Ers 2008, mae Annette Bryn Parri wedi bod yn cynnal sesiynau cerdd i blant ag anghenion arbennig yn Ysgol Pendalar, Caernarfon ac Ysgol y Bont, Llangefni.

Er bod gan rhai o’r plant anableddau corfforol a meddyliol dwys, mae ymateb y plant i`r math yma o gerddoriaeth fyrfyfyr yn gryf iawn yn, gan arwain at symudiadau corfforol ac ymateb emosiynol.

Yn ystod y sesiynau hyn, mae Annette yn ymateb i ystum corfforol a llafar y plant, gan ganiatáu iddyn nhw arwain a dylanwadu ar natur y gerddoriaeth. Gwnaed y recordiad yma gyda chymorth Jack Swift sy`n ddisgybl yn Ysgol y Bont. Mae gan Jack gariad mawr at gerddoriaeth, ac mae gan Annette berthynas agos iawn ag ef.